“ADEX-2022” Beynəlxalq Müdafiə Sərgisi çərçivəsində Bakı Ekspo Mərkəzində “Müasir texnoloji innovasiyaların hərbi tibb təminatında əhəmiyyəti” mövzusunda sessiya keçirilib.

AZƏRTAC xəbər verir ki, sessiyada Müdafiə Nazirliyinin Tibb İdarəsinin tibb xidmət mayoru Hamlet Hüseynov çıxış edərək müasir texnoloji innovasiyaların hərbi tibb təminatında önəmindən danışıb. Bildirilib ki, tibbi innovasiya dedikdə hərb sahəsində tibbi innovasiyanın tətbiqi, tibb işçilərinin, həkimlərin peşəkarlığı və avadanlıqların yüksək texnologiyalarla vəhdəti nəzərdə tutulur. Bu baxımdan həkimlərimizin yüksək keyfiyyətli və müasir avadanlıqlarla təminatı vacib məsələlərdəndir.

“Bu ikisi vəhdət təşkil etdiyinə görə bizdə bütün növ əməliyyatlar xəstəxanalarda icra olunmaqdadır. Bunların hamısının nəticəsini ordu olaraq, mülki vətəndaşlarımız daxil hər kəs görür. Həkimlərimiz həm ölkə daxilində, həm də xaricində yüksək ixtisaslı kurslardan keçir, yüksək səviyyədə təhsil alır, müasir avadanlıqların köməyi ilə yüksək nəticələr qazanırlar. Xatırladım ki, Bakıdakı hospitallarda bütün növ əməliyyatlar icra olunur. Bizdə ən çox döyüş yaralanmaları, odlu silah, partlayış travmaları kimi əməliyyatlar olur və yüksək nəticə ilə icra edilir. Yalnız hərbçilərimiz yox, mülki şəxslərimiz də bizim əməliyyatlardan yararlana bilərlər”, - deyə o vurğulayıb