Milli Məclis Azərbaycan Respublikası Konstitusiyasının 95-ci maddəsinin I hissəsinin 4-cü bəndinə əsasən “Azərbaycan Respublikası və Dünya Bankı Qrupu Təşkilatları arasında Azərbaycan Respublikasında Ofislərin Qurulmasına və Fəaliyyətinə dair” Sazişi təsdiqləyib.

AZƏRTAC xəbər verir ki, qanun layihəsi parlamentin dekabrın 30-da keçirilən iclasında müzakirəyə çıxarılıb.

Saziş 2021-ci il noyabrın 18-də Bakı şəhərində imzalanıb.

Milli Məclis, həmçinin Azərbaycan ilə Səudiyyə Ərəbistanı Krallığı arasında gömrük işi sahəsində əməkdaşlıq barədə imzalanan sazişi də təsdiq edib

Saziş 2021-ci il noyabrın 15-də Ər-Riyad şəhərində imzalanıb.

Hər iki qanun layihəsi müzakirəyə çıxarılaraq səsvermədən sonra qəbul edilib.