Azərbaycanın bugünkü inkişafı, ilk növbədə, xalqımızın ümummilli lideri Heydər Əliyevin müəyyənləşdirdiyi siyasi xəttin ardıcıl surətdə davam etdirilməsinin nəticəsidir.
×
Azərbaycanın bugünkü inkişafı, ilk növbədə, xalqımızın ümummilli lideri Heydər Əliyevin müəyyənləşdirdiyi siyasi xəttin ardıcıl surətdə davam etdirilməsinin nəticəsidir. Heydər Əliyev bütün həyatı boyu Vətəninin, xalqının gələcəyini düşünmüş, Azərbaycanın müstəqilliyinin əbədiliyinə bütün varlığı ilə inanmışdı.
Bu sözləri AZƏRTAC-a müsahibəsində Birinci və İkinci Qarabağ müharibələrinin iştirakçısı Vidadi Ağagülov deyib.
O bildirib ki, Ümummilli Liderimizin ölməz ideyaları təkcə ölkəmizin enerji siyasətini deyil, bütövlükdə Azərbaycanın inkişaf strategiyasını müəyyənləşdirmişdir. Həmin strategiyanın ardıcıl surətdə həyata keçirilməsi bu gün də ölkəmizi sürətlə irəli aparır. Heydər Əliyev çox gözəl bilirdi ki, yeni Azərbaycan dövlətinin qurulması və möhkəmləndirilməsi bütün sahələrdə dərin islahatların aparılmasından, insanların şüurunu tədricən dəyişməkdən asılıdır. Odur ki, ölkənin müharibə şəraitində olmasına baxmayaraq böyük risk və qətiyyətlə həmin islahatların konsepsiyasını hazırlayıb ardıcıl həyata keçirirdi.
“Heydər Əliyev fenomeninin əsas xüsusiyyətlərindən biri ondan ibarət idi ki, Ulu Öndər başladığı işlərin nəticəsini əvvəlcədən görür və hesablaya bilirdi”, - deyə müharibə veteranı qeyd edib.
