Ölkəmizdə sosial-məişət xidməti göstərilən ən yaşlı sakin 110 yaşlı Leyli İsgəndərovadır. O, 1912-ci ildə Qazax rayonunun Kəmərli kəndində anadan olub.

AZƏRTAC xəbər verir ki, Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin İdarə Heyətinin sədri Vüqar Behbudov bu məlumatı keçirdiyi mətbuat konfransında səsləndirib.

Onun verdiyi digər bir məlumata görə, hazırda stasionar sosial xidmət göstərilən ən yaşlı sakinlər isə Ahıl şəxslər üçün sosial xidmət müəssisəsində yaşayırlar. Onlar Ənvər Əfəndiyev və Tatyana Mixayılovadır. Hər ikisinin 96 yaşı var. Ənvər Əfəndiyev 2019-cu ildən, Tatyana Mixaylova isə 2021-ci ildən Ahıl şəxslər üçün sosial xidmət müəssisəsinə yerləşdirilib.