Azərbaycanda yeni növ koronavirus (COVID-19) infeksiyasının "mu" ştamı ilə yoluxma faktı qeydə alınmayıb. "Mu" ştamının araşdırılması ilə bağlı müxtəlif genom analizləri aparılır.

Bunu AZƏRTAC-a açıqlamasında Ümumdünya Səhiyyə Təşkilatının Azərbaycandakı nümayəndəsi Hande Harmancı deyib.

O bildirib ki, "mu" ştamı hazırda əsasən Cənubi Amerikada geniş yayılıb: "Yoluxma faktı ilə bağlı Azərbaycan səhiyyə strukturlarında, əlbəttə ki, vaxtaşırı analizlər aparılır. COVID-19-un "mu" ştamı ilə yoluxma faktı qeydə alındıqda ictimaiyyət bu barədə məlumatlandırılacaq".