Bu günə qədər ölkədə COVID-19 əleyhinə 11 milyon 255 min peyvənd dozası vurulub. İki doza vaksin alan insanların sayı 4 milyon 777 min nəfərdir. İndiyə qədər ölkədə "buster" doza ilə peyvəndlənənlərin sayı isə 1 milyon 255 min nəfərdir.

AZƏRTAC xəbər verir ki, bunu Nazirlər Kabineti yanında Operativ Qərargahın bu gün keçirilən brifinqində səhiyyə nazirinin birinci müavini, səhiyyə nazirinin vəzifələrini müvəqqəti icra edən Teymur Musayev deyib.

Nazir müavini bildirib ki, Prezident İlham Əliyevin beynəlxalq arenada qazandığı nüfuzu sahəsində bütün platformalarda hazırlanan vaksinlər ölkəyə gətirilib: "COVID-19 əleyhinə vaksinasiya kampaniyası ölkədə uğurla həyata keçirilir. Vətəndaşlar "buster" doza ilə peyvəndlənirlər".