Azərbaycana yeni növ koronavirus (COVID-19) əleyhinə 18 milyon 137 min 790 doza vaksin gətirilib.

AZƏRTAC xəbər verir ki, bu barədə Respublika Gigiyena və Epidemiologiya Mərkəzinin İmmunoprofilaktika şöbəsinin əməkdaşı Əlcəfər Cəfərov “Fəaliyyət üçün məlumat: Effektiv strategiyaların işlənib hazırlanması yolu ilə COVID-19 vaksinlərinin geniş tətbiqinə nail olmaq" adlı konfransda məlumat verib.

Məlumata əsasən, indiyədək respublikada 12 milyon 115 min 732 doza "Coronavac", 333 min 607 doza "Pfizer", 9731 doza "AstraZeneca", 8 mim 980 doza isə "Sputnik V" vaksini istifadə olunub.

Ə.Cəfərov qeyd edib ki, həmçinin Azərbaycandan humanitar məqsədlə müəyyən miqdarda peyvənd xarici ölkələrə ixrac olunub: "İxrac edilən vaksinlərin sayı isə 270 min dozadır. Hazırda ölkədə 4 milyon 882 min 402 doza vaksin ehtiyatı var".