Futbol üzrə Azərbaycan milli komandası UEFA Millətlər Liqasında növbəti oyununu keçirib.

AZƏRTAC xəbər verir ki, C Divizionunda mübarizə aparan yığma I qrupdakı 4-cü matçında Slovakiya seçməsini qəbul edib. Tofiq Bəhramov adına Respublika Stadionunda oynanılan qarşılaşma rəqibin qələbəsi ilə başa çatıb - 3:1.

Matçda hesabı 15-ci dəqiqə qonaqlar açıblar. Millimizin heyətində Rahil Məmmədov avtoqol müəllifi olub. 38-ci dəqiqədə Toral Bayramov dəqiq baş zərbəsi ilə tarazlığı bərpa edib. 70-ci dəqiqədə Mahir Emreli ikinci sarı vərəqəni alaraq meydandan qovulub. Bundan 5 dəqiqə sonra Slovakiya yığması ikinci topu millimizin qapısından keçirib. Lukaş Haraslin fərqlənib. Oyunda son nöqtəni isə 87-ci dəqiqədə David Duriş qoyub.

Qeyd edək ki, 4 turdan sonra xalı olmayan Azərbaycan millisi sonuncu, 10 xalı olan Slovakiya komandası isə 1-ci pillədə qərarlaşıb.

Qrupun digər matçında İsveç seçməsi Estoniyanı sınağa çəkəcək.

21:08

UEFA Millətlər Liqasının IV turunda Bakıda Azərbaycan və Slovakiya yığmaları arasında keçirilən oyunda ikinci hissə başlayıb.

AZƏRTAC xəbər verir ki, ilk yarıdan sonra hesab bərabərdir - 1:1.

Matçda hesabı 15-ci dəqiqə qonaqlar açıblar. Millimizin heyətində Rahil Məmmədov avtoqol müəllifi olub. 38-ci dəqiqədə isə Toral Bayramov dəqiq baş zərbəsi ilə tarazlığı bərpa edib.

Qeyd edək ki, Tofiq Bəhramov adına Respublika Stadionunda keçirilən matçı norveçli hakim Raxit Saggi idarə edir.

20:50

UEFA Millətlər Liqasının IV turunda Bakıda Azərbaycan və Slovakiya yığmaları arasında keçirilən oyunda ilk hissə başa çatıb.

AZƏRTAC xəbər verir ki, komandalar fasiləyə 1:1 hesablı heç-heçə ilə yollanıb.

Matçda hesabı 15-ci dəqiqə qonaqlar açıblar. Millimizin heyətində Rahil Məmmədov avtoqol müəllifi olub. 38-ci dəqiqədə isə Toral Bayramov dəqiq baş zərbəsi ilə tarazlığı bərpa edib.

Qeyd edək ki, Tofiq Bəhramov adına Respublika Stadionunda keçirilən matçı norveçli hakim Raxit Saggi idarə edir.

20:01

UEFA Millətlər Liqasının C Divizionunda Azərbaycan və Slovakiya yığmaları arasında IV tur oyunu başlayıb.

AZƏRTAC xəbər verir ki, Tofiq Bəhramov adına Respublika Stadionunda keçirilən qarşılaşma saat 20:00-da start götürüb.

Görüşü norveçli FIFA referisi Roxit Saqqi idarə edir.

Qeyd edək ki, ilk 3 turdan sonra xalı olmayan Azərbaycan millisi sonuncu, 7 xalı olan Slovakiya yığması isə 2-ci pillədə qərarlaşıb.