Azərbaycan Dillər Universitetində (ADU) Yunan mərkəzinin açılışı olub.

AZƏRTAC xəbər verir ki, tədbirdə çıxış edən ADU-nun rektoru akademik Kamal Abdulla Yunan mərkəzinin yunan və azərbaycanlı gənclər, eyni zamanda, hər iki ölkənin alimləri üçün çox səmərəli fəaliyyətin başlanğıcı olacağını vurğulayıb.

Bildirib ki, Yunanıstan mədəniyyətini, tarixini əks etdirən bu mərkəzdə tələbələr üçün gözəl əyani vəsaitlər, müxtəlif kitablar, videomateriallar yer alacaq.

Tədbirdə Yunanıstanın Azərbaycandakı səfiri Nikolaos Piperiqkos, Rumıniyanın ölkəmizdəki səfiri Vasile Soare və ABŞ səfirliyinin nümayəndəsi iştirak ediblər.