Dekabrın 29-da Azərbaycan Uşu Federasiyasının 24-cü hesabat–seçki yığıncağı keçirilib.
AZƏRTAC xəbər verir ki, yığıncağın gündəliyinə Azərbaycan Uşu Federasiyasının prezidentinin hesabatı, fərqlənən məşqçi və hakimlərin mükafatlandırılması, federasiyanın prezidentinin, vitse-prezidentinin, İdarə Heyəti və Nəzarət-Təftiş Komissiyasının üzvlərinin seçilməsi kimi məsələlər salınıb.
×
Dekabrın 29-da Azərbaycan Uşu Federasiyasının 24-cü hesabat–seçki yığıncağı keçirilib.
AZƏRTAC xəbər verir ki, yığıncağın gündəliyinə Azərbaycan Uşu Federasiyasının prezidentinin hesabatı, fərqlənən məşqçi və hakimlərin mükafatlandırılması, federasiyanın prezidentinin, vitse-prezidentinin, İdarə Heyəti və Nəzarət-Təftiş Komissiyasının üzvlərinin seçilməsi kimi məsələlər salınıb.
Hesabat-seçki yığıncağında çıxış edən Azərbaycan Uşu Federasiyasının prezidenti Azər Həsənsoy rəhbərlik etdiyi federasiyanın son illər qazandığı uğurlardan danışıb. Qeyd olunub ki, idmançıların qazandığı qələbələr Azərbaycan Respublikasının Milli Olimpiya Komitəsinin prezidenti, dövlətimizin başçısı İlham Əliyevin dəstəyi, diqqət və qayğısı nəticəsində mümkün olub.
Bildirilib ki, 2019-cu və 2022-ci illərdə federasiyanın idmançıları bir çox yarışlarda o cümlədən respublika və beynəlxalq səviyyəli turnirlərdə mühüm nailiyyətlərə imza atıblar. Azərbaycanın uşu ustaları dünya və Avropa birinciliyində yüksək mükafatlara layiq görülüblər. Yalnız bu il 9 “Dəmir yumruq” turniri və 14 respublika əhəmiyyətli yarışlar təşkil edilib. Bu yarışlarda idmançılar həm təcrübə qazanmaqla yanaşı, psixoloji hazırlıq keçiblər.
Federasiya prezidenti idmançıları növbəti illərdə daha məsuliyyətli yarışların gözlədiyini bildirib.
Hesabat-seçki yığıncağında açıq səsvermə yolu ilə Azər Həsənsoy yekdilliklə federasiyanın prezidenti, Namiq Əsgərov isə vitse-prezidenti seçilib.
Federasiyanın İdarə heyətinə üzvlüyə Baharəddin Səlimov, Elçin Eminov, Vaqif Məmmədov və Afət Ağaməmmədova seçiliblər.
Sonda 2022-ci ildə federasiyaya informasiya dəstəyi göstərən bir sıra media nümayəndələri təltif olunublar. Mükafatçılar arasında AZƏRTAC da var