Uşaqların sağlam böyümələri, təhsil almaları, hərtərəfli inkişaf etmələri, vətənpərvər ruhda tərbiyə olunmaları dövlətimizin diqqət mərkəzindədir.
×
Uşaqların sağlam böyümələri, təhsil almaları, hərtərəfli inkişaf etmələri, vətənpərvər ruhda tərbiyə olunmaları dövlətimizin diqqət mərkəzindədir.
AZƏRTAC xəbər verir ki, bu fikirləri Ailə, Qadın, Uşaq Problemləri üzrə Dövlət Komitəsi sədrinin müavini Aynur Sofiyeva 1 İyun-Uşaqların Beynəlxalq Müdafiəsi Günü münasibətilə keçirilən tədbirdə deyib.
A.Sofiyeva vurğulayıb ki, uşaqlara dövlət qayğısının gücləndirilməsi Prezident İlham Əliyevin və Birinci vitse-prezident Mehriban xanım Əliyevanın diqqət mərkəzindədir.
Bildirilib ki, uşaqlarla bağlı dövlət siyasəti hər bir uşağın zəruri maddi və məişət şəraitində böyüyüb tərbiyə olunmasının, mütərəqqi tələblər əsasında təhsil almasının, layiqli vətəndaş kimi formalaşmasının təmin edilməsinə yönəldilir.
Sədr müavini aztəminatlı ailələrin uşaqlarının qayğı ilə əhatə olunduqlarını qeyd edib, eyni zamanda, tegionlarda fəaliyyət göstərən Uşaq və Ailələrə Dəstək mərkəzlərinin işindən danışıb.
"Biz sizin savadlı, intellektual, vətənpərvər böyümənizi istəyir və sizə böyük ümidlər bəsləyirik.
Əminik ki, siz layiqli vətəndaşlar kimi dövlətimizin möhkəmlənməsinə öz töhfənizi verəcəksiniz", - deyə Aynur Sofiyeva vurğulayıb.