Azərbaycan Avtomobil Yolları Dövlət Agentliyi (AAYDA) Neftçala rayonunda yaranan içməli su qıtlığı ilə bağlı görülən tədbirlərə dəstək olub.

AAYDA-nın İctimaiyyətlə əlaqələr şöbəsindən AZƏRTAC-a bildirilib ki, agentliyin xüsusi texnikaları vasitəsilə su qıtlığı yaranan ilk günlərdən əhaliyə içməli su daşınması təmin olunur. Zərurət yaranacağı təqdirdə AAYDA içməli su daşınması üçün əlavə texnikaların cəlb olunmasını təmin edəcək.