Bakıda Avropa Yəhudilərinin (Aşkenazi) Sinaqoqunda Vətən müharibəsi şəhidlərinin anım mərasimi keçirilib.

AZƏRTAC xəbər verir ki, mərasimdə Vətən müharibəsi şəhidlərinin ruhuna dualar oxunub, yaralılara şəfa dilənib.

Xatırladaq ki, Vətən müharibəsində Silahlı Qüvvələrimizin 2783 nəfər hərbi qulluqçusu şəhid olub. Onların sırasında 103 nəfər hərbi qulluqçunun DNT analiz metodu ilə şəxsiyyətinin müəyyən edilməsi üzrə işlər davam etdirilir.

Yüz nəfərdən artıq hərbi qulluqçumuz itkin düşmüş hesab olunur. Hazırda 1245 nəfər hərbi qulluqçumuz tibb müəssisələrində müalicə edilir.