Amnistiya aktı Penitensiar Xidmət üzrə 5971 məhkuma tətbiq olunub.

AZƏRTAC xəbər verir ki, bu barədə martın 11-də Ədliyyə Nazirliyində keçirilən mətbuat konfransında Ədliyyə Nazirliyi Probasiya Xidmətinin rəis müavini Musa Hümbətov məlumat verib.

Xidmət rəisinin müavini bildirib ki, həmin məhkumlardan 2710 nəfəri azadlıqdan məhrum etmə cəzasından azad olunub, 3261 nəfərin cəza müddətləri isə altı ay azaldılıb.

Amnistiya aktının icrası ilə bağlı Probasiya Xidməti tərəfindən 5730 nəfərin ölkədən çıxışına qadağa götürülüb.