Elmin populyarlaşdırılmasında mətbuatın və sosial şəbəkələrin də rolu var. Lakin bu istiqamətdə mənfi tendensiyalar mövcuddur və elmlə bağlı maarifləndirmə işləri ürəkaçan deyil.

AZƏRTAC xəbər verir ki, bu barədə AMEA-nın prezidenti akademik İsa Həbibbəyli UNEC-də “Azərbaycanda elmin populyarlaşdırılması modeli” mövzusunda keçirilən tədbirdə deyib. O, Azərbaycan elminin dünya reytinqlərindəki mövqeyinə də toxunub. Ölkə alimlərinin akademik profillərinin və istinad sayının aşağı olmasının elmin populyarlaşmasına mənfi təsir edən amillərdən olduğunu deyib. Akademik elmin populyarlaşdırılması istiqamətində işlərin beynəlxalq reytinq təşkilatlarının prioritetləri uyğun aparılmalı olduğunu qeyd edib.