Mən Ordumuzun Müzəffər Ali Baş Komandanı, Prezident İlham Əliyevə, şəhidlərimizə və qazilərimizə torpaqlarımızı düşmənlərdən azad etdiyi üçün öz dərin minnətdarlığımı bildirirəm. Xüsusilə də boya-başa çatdığım Ağdamın erməni qəsbkarlarından azad edilməsi mənim kimi bütün ağdamlıların da böyük sevincinə səbəb olub.

AZƏRTAC xəbər verir ki, bu sözləri jurnalistlərə müsahibəsində Ağdam sakini Ziyafət Mehdiyeva deyib.

O qeyd edib ki, doğma torpağa yenidən qədəm qoyduğu üçün sevinc göz yaşlarını saxlaya bilmir. Həmişə Vətən həsrəti ilə yaşadığını deyən sakin xoşbəxt olduğunu, hazırda böyük qürur hissi keçirdiyini söyləyib.