Ağdam rayonunun Suma kəndi rayon mərkəzindən şimal-şərqdə, Qarabağ düzündə yerləşir. Əhalisinin əsas məşğuliyyəti heyvandarlıq, taxılçılıq, üzümçülük olub.

1994-cü il aprelin 16-da Ermənistan silahlı qüvvələri tərəfindən işğal olunmuşdu.

Kənddə məktəb, kitabxana, klub, tibb məntəqəsi və müxtəlif ticarət-iaşə obyektləri var idi. Erməni vandalları işğal dövründə kəndi viran qoyaraq xarabalığa çeviriblər.

İkinci Qarabağ müharibəsində Ordumuzun şanlı Qələbəsindən sonra 2020-ci il noyabrın 10-da Azərbaycan Prezidenti, Rusiya Prezidenti və Ermənistanın baş naziri tərəfindən imzalanmış üçtərəfli Bəyanata əsasən, Ağdam rayonu noyabrın 20-də Azərbaycana qaytarılıb.

AZƏRTAC işğal dövründə erməni vandalizminə məruz qalmış Suma kəndinin görüntülərini təqdim edir