Ağdam rayonunun Maqsudlu kəndi rayon mərkəzindən şimalda yerləşir.

Kənd 1993-cü ildə Ermənistan silahlı qüvvələri tərəfindən işğal olunmuşdu.

Maqsudlu kəndində XV əsrə aid məbəd, XVIII əsrə aid türbə, kənddən üç kilometr şərqdə isə tunc dövrünə aid Maqsudlu kurqanları olub. Erməni vandalları işğal dövründə kəndi viran qoyaraq xarabalığa çeviriblər.

İkinci Qarabağ müharibəsində Ordumuzun şanlı Qələbəsindən sonra 2020-ci il noyabrın 10-da Azərbaycan Prezidenti, Rusiya Prezidenti və Ermənistanın baş naziri tərəfindən imzalanmış üçtərəfli Bəyanata əsasən, Ağdam rayonu noyabrın 20-də Azərbaycana qaytarılıb.

AZƏRTAC işğal dövründə erməni vandalizminə məruz qalmış Maqsudlu kəndinin görüntülərini təqdim edir.