Növbədənkənar prezident seçkiləri Zəngilan rayonunun Ağalı kəndindəki 33 saylı seçki məntəqəsində də seçici fəallığı ilə keçir.
×
Növbədənkənar prezident seçkiləri Zəngilan rayonunun Ağalı kəndindəki 33 saylı seçki məntəqəsində də seçici fəallığı ilə keçir. Səhər saatlarından başlayaraq kənd sakinləri və ətraf ərazidə çalışan işçilər məntəqəyə üz tutur, səsvermədə yüksək əhvali-ruhiyyədə iştirak edirlər.
AZƏRTAC-ın bölgə müxbiri xəbər verir ki, 125 saylı Zəngilan-Qubadlı seçki dairəsinin 33 saylı seçki məntəqəsi Ağalı kəndindəki məktəbdə fəaliyyət göstərir. Səsvermə prosesi mütəşəkkil keçir. QHT nümayəndələri, xarici jurnalistlər prosesi izləyirlər.
Məntəqə üzrə 971 seçici qeydə alınıb. Onlardan 603 nəfəri Ağalı kəndi sakinləridir. Kənd üzrə ilk dəfə səs vermədə iştirak edənlərin sayı isə 31 nəfərdir. Ən yaşlı seçici 1933-cü il təvəllüdlüdür.