Aprelin 3-də Azərbaycan Dillər Universitetində “Qafqazda azərbaycanlılara qarşı həyata keçirilmiş soyqırımı və deportasiyalar” mövzusunda tədbir təşkil edilib.

AZƏRTAC xəbər verir ki, tədbiri açan Azərbaycan Dillər Universitetinin rektoru akademik Kamal Abdulla mövzunun aktuallığını vurğulayıb.

Tədbirdə çıxış edən Qərbi Azərbaycan İcmasının İdarə Heyətinin sədri, Milli Məclisin deputatı Əziz Ələkbərli azərbaycanlıların soyqırımına ilk dəfə Ulu Öndər Heydər Əliyev tərəfindən siyasi qiymət verildiyini bildirib. Xatırladıb ki, Ümummilli Liderin 1998-ci il martın 26-da imzaladığı Fərmanla 31 mart Azərbaycanlıların Soyqırımı Günü elan edilib.

Ə.Ələkbərli deyib: “Əslinə qalanda bütün Cənubi Qafqazda, xüsusilə Qərbi Azərbaycan ərazisində soydaşlarımıza qarşı etnik təmizləmə siyasəti həyata keçirilib. Ermənilər bu coğrafiyaya 200 il əvvəl kütləvi şəkildə köçürüləndən sonra bizim faciələrimizin təməli qoyulub və XIX -XX əsrlər boyu davam edib.

Bu faciələr, etnik təmizləmələr ermənilərin əli ilə həyata keçirilib. XX əsrdə dəfələrlə belə deportasiyalar baş verib. 1905-ci ildə, 1918-1920-ci illərdə azərbaycanlılara qarşı tarixdə analoqu olmayan vəhşilikləri törədilib”.

Sonra ADPU-nun prorektoru professor Mahirə Hüseynova, Milli Məclisin deputatları Məlahət Həsənova, Hikmət Babaoğlu və başqaları mövzu ilə bağlı çıxış ediblər.