Matın 8-də Azərbaycanda fəaliyyət göstərən könüllü təşkilatları və hərəkatlarının üzvləri üçün 9 May - faşizm üzərində Qələbənin 76-cı ildönümü münasibətilə Xarici İşlər Nazirliyi və ADA Universitetinin birgə təşkilatçılığı ilə Heydər Əliyev Fondunun dəstəyi sayəsində ərsəyə gətirilən, Bakı Media Mərkəzinin prezidenti Arzu Əliyevanın baş prodüseri olduğu “Hədəf Bakıdır.
×
Matın 8-də Azərbaycanda fəaliyyət göstərən könüllü təşkilatları və hərəkatlarının üzvləri üçün 9 May - faşizm üzərində Qələbənin 76-cı ildönümü münasibətilə Xarici İşlər Nazirliyi və ADA Universitetinin birgə təşkilatçılığı ilə Heydər Əliyev Fondunun dəstəyi sayəsində ərsəyə gətirilən, Bakı Media Mərkəzinin prezidenti Arzu Əliyevanın baş prodüseri olduğu “Hədəf Bakıdır. Hitler neft uğrunda döyüşü necə uduzdu” filmi nümayişi etdirilib.
AZƏRTAC xəbər verir ki, tədbirin əvvəlində Azərbaycan xalqının İkinci Dünya müharibəsində iştirakı və faşizm üzərində Qələbənin qazanılmasında oynadığı rolu əks etdirən fotosərgi nümayiş olunub.
Tədbirdə ADA Universitetinin prorektoru Fariz İsmayılzadə və Xarici İşlər Nazirliyinin Mətbuat xidməti idarəsinin rəisi Leyla Abdullayeva çıxış ediblər. Çıxışlarda İkinci Dünya müharibəsində soydaşlarımızın göstərdiyi şücaət haqqında danışılıb və gənclərin bu istiqamətdə məlumatlılığının, habelə tariximizi daha dərindən öyrənmələrinin əhəmiyyətini vurğulanıb. Müstəqilliyimizin bərpa edildiyi vaxtdan etibarən ilk dəfə olaraq 9 May Qələbəsinin ikiqat fəxarətlə qeyd olunduğu vurğulanıb, bu xüsusda 2020-ci ildə 44 günlük Vətən müharibəsində Prezident, Müzəffər Ali Baş Komandan İlham Əliyevin rəhbərliyi ilə torpaqlarımızı işğaldan azad edən şanlı Azərbaycan Ordusunun qazandığı tarixi Zəfərin əhəmiyyətindən danışılıb.
Sonra bütün şəhidlərin xatirəsi bir dəqiqəlik sükutla anılıb.
Daha sonra Bakı Media Mərkəzinin ssenaristi və redaktoru Müsəllim Həsənovun “Hədəf Bakıdır. Hitler neft uğrunda döyüşü necə uduzdu” filminin ssenarisi, necə ərsəyə gətirilməsi barədə çıxışı dinlənilib.
Çıxışlardan sonra filmin nümayişi baş tutub.