ABŞ təmsilçiləri Bakıda keçirilən dünya çempionatında qadınlar arasında ikili mini-batut üzrə komanda yarışlarının qalibi olublar.

AZƏRTAC xəbər verir ki, 104,900 xal toplayan ABŞ komandası bütün rəqiblərini qabaqlayıb.

Rusiya Gimnastika Federasiyasının üzvləri 104,800 xalla ikinci olublar. Kanadalı gimnastlar 102,400 xalla üçüncü pillədə qərarlaşıblar.

Xatırladaq ki, noyabrın 21-dək davam edəcək dünya çempionatında 33 ölkədən 300-dək gimnast iştirak edir. Çempionatda gimnastlar batut üzərində fərdi və sinxron tullanışlar, tamblinq və ikili minibatut üzrə proqramlarda mübarizə aparacaqlar. Bundan əlavə, komanda çoxnövçülüyü, eləcə də hər proqram üzrə komanda hesabında qaliblər müəyyənləşəcək.