2021-ci ildə koronavirus pandemiyasına qarşı mübarizə tədbirləri üçün faktiki olaraq 800 milyon manat istifadə olunub. Habelə əhalinin vaksinasiyası üçün toplam 433 milyon manat vəsait ayrılıb.

AZƏRTAC xəbər verir ki, bu sözləri Baş nazir Əli Əsədov Milli Məclisin martın 15-də keçirilən iclasında Azərbaycan Respublikası Nazirlər Kabinetinin 2021-ci ildə fəaliyyəti haqqında hesabatının müzakirəsi zamanı deyib.

“Hər iki doza üzrə 18 yaşdan yuxarı əhalinin vaksinasiyası 68 faiz təşkil edir. Onu da qeyd edim ki, həkimlərin tövsiyələrinə, statistik göstəricilərə və vaksinasiya prosesinin gedişatına əsaslanaraq, Nazirlər Kabineti tərəfindən xüsusi karantin rejimi çərçivəsində martın 6-dan əksər məhdudiyyətlərin aradan qaldırılması ilə bağlı qərar qəbul edilib”, - deyə Baş nazir qeyd edib.