IDEA İctimai Birliyi və Ekologiya və Təbii Sərvətlər Nazirliyinin birgə təşkilatçılığı ilə Ağdaşda “Yaşıl Marafon” kampaniyası həyata keçirilib.

AZƏRTAC xəbər verir ki, kampaniya çərçivəsində Ağdaş rayonunun meşə fondu torpağının 2 hektar ərazisində nazirliyin rəsmilərinin, IDEA İctimai Birliyi və ETSN könüllülərinin iştirakı ilə 2500 ədəd meşəcinsli ağac əkilib və palıd toxumu səpilib.

Qeyd edək ki, payız ağac əkini ilə əlaqədar ölkə ərazisində genişmiqyaslı ağacəkmə tədbirləri keçirilir, meşə və qeyri-meşə fondu torpaqlarında hər bölgənin iqlim şəraitinə uyğun müxtəlif cinsli ağaclar əkilir, toxumlar səpilir.