Dekabrın 6-da Yeni Azərbaycan Partiyası (YAP) Veteranlar Şurasının təşkilatçılığı ilə partiyanın Binəqədi rayon təşkilatında 12 dekabr - ulu öndər Heydər Əliyevin anım gününə həsr olunan “Ümummilli Liderin irsinə əsaslanan Azərbaycanın inkişaf strategiyası” mövzusunda konfrans keçirilib.
×
Dekabrın 6-da Yeni Azərbaycan Partiyası (YAP) Veteranlar Şurasının təşkilatçılığı ilə partiyanın Binəqədi rayon təşkilatında 12 dekabr - ulu öndər Heydər Əliyevin anım gününə həsr olunan “Ümummilli Liderin irsinə əsaslanan Azərbaycanın inkişaf strategiyası” mövzusunda konfrans keçirilib.
AZƏRTAC xəbər verir ki, konfrans iştirakçıları tədbirdən əvvəl ulu öndər Heydər Əliyevin rayon təşkilatının inzibati binası qarşısındakı abidəsini ziyarət edərək önünə gül dəstələri qoyublar.
YAP Veteranlar Şurasının üzvləri, Mərkəzi Aparatının əməkdaşları, Binəqədi rayon təşkilatının fəal gənclərinin iştirakı ilə başlayan konfrans YAP Veteranlar Şurasının sədri Arif Rəhimzadənin giriş sözü ilə işinə başlayıb.
Konfrans Şuranın üzvü, Dövlət İdarəçilik Akademiyasının rektoru, biologiya elmləri doktoru, professor Urxan Ələkbərovun “Ümummilli Liderin irsinə əsaslanan Azərbaycanın inkişaf strategiyası” mövzusunda məruzəsindən sonra çıxışlar və diskussiya formatında fikir mübadiləsi ilə davam etdirilib.
