İyunun 2-də Milli Aviasiya Akademiyasında Azərbaycan Mülki Aviasiya (MAA) işçilərinin peşə bayramı gününə və “TEKNOFEST Azərbaycan” Aerokosmik və Texnologiya Festivalında Milli Aviasiya Akademiyasının iştirakına həsr olunan tədbir keçirilib.
×
İyunun 2-də Milli Aviasiya Akademiyasında Azərbaycan Mülki Aviasiya (MAA) işçilərinin peşə bayramı gününə və “TEKNOFEST Azərbaycan” Aerokosmik və Texnologiya Festivalında Milli Aviasiya Akademiyasının iştirakına həsr olunan tədbir keçirilib.
AZƏRTAC xəbər verir ki, tədbirin əvvəlində MAA-nın rektoru akademik Arif Paşayevin tədbir iştirakçılarına salamı təqdim olunub. Sonra Azərbaycan Respublikasının Dövlət Himni səsləndirilib.
“Azərbaycan Hava Yolları” QSC-nin vitse-prezidenti İlham Əmirov Mülki Aviasiya işçilərinin peşə bayramı münasibətilə tədbirdə çıxış edib. Tədbirdə rəqəmsal inkişaf və nəqliyyat nazirinin müavini Rövşən Rüstəmov və təhsil nazirinin müavini Firudin Qurbanov “TEKNOFEST Azərbaycan” festivalı barədə danışıblar.
MAA-nın birinci prorektoru Ədalət Səmədov Milli Aviasiya Akademiyasının “TEKNOFEST Azərbaycan” festivalında iştirakı barədə qonaqlara məlumat verib. Festival çərçivəsində keçirilmiş yarışmalar və təltiflərə aid qısa videoçarxlar izlənilib. Daha sonra “TEKNOFEST Azərbaycan” festivalında qalib gələn, eyni zamanda, iştirakçı olmuş komandaların üzvlərinə təşəkkürnamələr və mükafatlar təqdim edilib.
Sonda musiqi nömrələri dinlənilib.
