“Sumqayıt” futbol klubu məşqçisi ilə yollarını ayırıb.

Klubun mətbuat xidmətindən AZƏRTAC–a bildirilib ki, 2019-cu ilin iyul ayından “Sumqayıt”ın əsas komandasının fiziki hazırlıq üzrə məşqçisi vəzifəsini icra edən Eduardo Karo Balada ilə yollar ayrılıb. Belə ki, ispan mütəxəssis Türkiyə Super Liqasında çıxış edən Ankaranın “Gənclərbirliyi” klubunda yeni baş məşqçi təyin olunan Mert Nobre ilə çalışacaq.