“Qəbələ” futbol klubu müqaviləsi başa çatan daha bir legionerini geri qaytara bilib.

AZƏRTAC xəbər verir ki, bu, fransalı hücumçu Nikolas Rayseldir. İyirmi yeddi yaşlı futbolçu ölkəmizə qayıdaraq artıq “qırmızı-qaralar”ın hazırlığına qoşulub. Hücumçu ilə birillik anlaşma əldə olunub.

Qeyd edək ki, “Qəbələ” bunadək müqaviləsi bitən legionerlərindən gürcüstanlı yarımmüdafiəçi Merab Qiqauri və çilili hücumçu Rodriqo Qattasla yeni anlaşma əldə edərək heyətinə qaytarıb.