Bakı Olimpiya Stadionunda keçirilən “Qarabağ” - “Rakuv” oyununda hesab bərabərləşib.

AZƏRTAC xəbər verir ki, görüşün 60-cı dəqiqəsində ağdamlıların heyətində Elvin Cəfərquliyevin cərimə meydançasına ötürdüyü topu saxlamadan rəqib qapısına göndərən Redon Cica hesabda tarazlığı bərpa edib – 1:1.

Xatırladaq ki, oyunda hesab qonaqların heyətində 52-ci dəqiqədə Fran Tudorun qolu ilə açılmışdı.

Qeyd edək ki, komandalar arasında Polşada keçirilən ilk oyunda “Rakuv” 3:2 hesablı qələbə qazanıb.