Yürüş boyu həm sürücülərimiz, həm də bütün komanda üzvləri peşəkarlıq nümayiş etdirdilər.

AZƏRTAC xəbər verir ki, bu sözləri “McLaren”in direktoru Andrea Stella Bakıda keçirilən Formula 1 Azərbaycan Qran-Prisinin birinci sərbəst yürüşündən sonra təşkil olunan mətbuat konfransında deyib.

İtaliyalı mühəndis strateji baxımdan bütün qərarları düzgün verdiklərini bildirib: “Biz mövsüm ərzində davamlı inkişaf üzərində çalışırıq və bugünkü qələbə bu prosesin müsbət nəticəsidir. Bununla belə, qarşıda bizi daha çətin yarışlar gözləyir. Diqqətimizi qoruyaraq hər addımda daha da irəli getməyə çalışacağıq”.

O, Oskar Piastrinin bolidində aşkarlanan nasazlığa da toxunub: “Yarışın gedişində üzə çıxan texniki nasazlıq bizi məyus etdi. Bu problemi təhlil edəcək və gələcək yarışlarda təkrarlanmaması üçün bütün tədbirləri görəcəyik. Komanda olaraq əsas hədəfimiz hər iki pilotun maksimum nəticə əldə etməsidir. Bu istiqamətdə fasiləsiz çalışacağıq”.

Qeyd edək ki, birinci sərbəst yürüşdə “McLaren”in monakolu pilotu Lando Norris birinci, komanda yoldaşı avstraliyalı Oskar Piastri ikinci olub.