Şamaxı Rayon Mədəniyyət İdarəsinin “İncə tellər” aşıqlar ansamblı “facebook” sosial şəbəkəsi vasitəsilə canlı konsert proqramı ilə çıxış edib.

İsmayıllı Regional Mədəniyyət İdarəsinin mətbuat katibi Aysu Nəcəfli AZƏRTAC-ın bölgə müxbirinə bildirilib ki, “İncə tellər”in çıxışı bu gün koronavirus pandemiyasının törətdiyi fəsadlardan əziyyət çəkən insanlara dəstək olmaq, habelə gözəl xalq musiqiləri, bəstəkar mahnıları ilə insanlara xoş əhval-ruhiyə bəxş etməkdir.

“Şamaxıda “İncə tellər”lə yanaşı “Şirvan folklor xalq kollektivi”, eləcə də regional mədəniyyət idarəsinin nəzdində fəaliyyət göstərən mədəniyyət müəssisələrinin musiqi kollektivləri, rəqs qrupları mütəmadi olaraq öz ifaları ilə insanlara dəstək verməkdə davam edəcəklər”,-deyə Aysu Nəcəfli söyləyib.