Aprelin 19-da AMEA-da Ümummilli Lider Heydər Əliyevin 100 illiyinə həsr olunmuş “Heydər Əliyev və Azərbaycan incəsənəti” mövzusunda respublika elmi konfransı keçirilib.
×
Aprelin 19-da AMEA-da Ümummilli Lider Heydər Əliyevin 100 illiyinə həsr olunmuş “Heydər Əliyev və Azərbaycan incəsənəti” mövzusunda respublika elmi konfransı keçirilib.
AZƏRTAC xəbər verir ki, tədbir Humanitar Elmlər Bölməsi və Memarlıq və İncəsənət İnstitutunun birgə təşkilatçılığı ilə reallaşıb.
Açılış nitqi ilə çıxış edən AMEA-nın prezidenti akafemik İsa Həbibbəyli Ümummilli Lider Heydər Əliyevin Azərbaycan incəsənətinin hərtərəfli inkişafı istiqamətində misilsiz xidmətlərindən və sənət adamlarına böyük diqqət və qayğısından danışıb.
Memarlıq və İncəsənət İnstitutunun direktoru AMEA-nın müxbir üzvü, professor Ertegin Salamzadə isə “Heydər Əliyevə həsr olunmuş yeni rəngkarlıq əsərləri” mövzusunda çıxış edib.
Konfransda “Azərbaycan mədəniyyətində Heydər Əliyev fenomeni”, “Təsviri sənətdə Heydər Əliyev obrazının simvolik təcəssümü” və digər mövzularda məruzələr dinlənilib.
