İngiltərənin “Çelsi” futbol klubu ölkənin digər komandası “Lester Siti”nin müdafiəçisi Benjamin Çilvelli transfer edib.

AZƏRTAC klubun saytına istinadla xəbər verir ki, 23 yaşlı müdafiəçi ilə beşillik müqavilə imzalanıb. Britaniya mətbuatı bu transfer üçün London təmsilçisinin 50 milyon funt sterlinq ödədiyini yazıb.

Qeyd edək ki, B.Çilvell ötən mövsüm İngiltərə Premyer Liqasında 27 oyunda 3 qol vurub və eyni sayda məhsuldar ötürmə edib.