Belə səfərlərin vacib olduğunu düşünürəm. Hər bir azərbaycanlı Şuşanı indiki vəziyyətdə görməlidir. Çünki erməni işğalçılarının dağıtdığı evləri, viran qoyulan abidələri canlı gözlərimizlə görməliyik ki, gələcək nəsillərə bunu daha yaxşı təsvir edib, çatdıra bilək.
×
Belə səfərlərin vacib olduğunu düşünürəm. Hər bir azərbaycanlı Şuşanı indiki vəziyyətdə görməlidir. Çünki erməni işğalçılarının dağıtdığı evləri, viran qoyulan abidələri canlı gözlərimizlə görməliyik ki, gələcək nəsillərə bunu daha yaxşı təsvir edib, çatdıra bilək.
Bu sözləri AZƏRTAC-ın Şuşa şəhərinə ezam olunmuş müxbirinə “İnnovasiyaya doğru” Gənclərə Dəstək İctimai Birliyinin sədri Rəşad Cəfərov deyib.
“QHT nümayəndələrinin Şuşaya budəfəki səfərində müxtəlif təbəqələrdən olan insanlar - şəhid ailələri, qazilər və təqaüdçülər də var. Hər birinin öz təəssüratı, öz baxışı var. Onu da deyim ki, hər bir azərbaycanlı Cıdır düzündə olmaq istəyir. Şuşa fatehlərinin ayaq izlərinə baxmaq, qəhrəmanlıqlar göstərərək yalın əllə qalxdıqları Şuşanın sıldırım qayalarını görmək istəyir. Düşünürəm ki, bizim də öhdəmizə böyük bir iş düşür. Bu səfərlər bizə vətəndaş cəmiyyətində apardığımız iş sahəsində həm yeni ideyalar verir, həm də müxtəlif prioritetlər cızmaq üçün imkanlar yaradır”, - deyə Birlik sədri vurğulayıb