İyunun 11-də Azərbaycan Respublikası Gənclər Fondunun və ADA Universitetinin birgə təşkilatçılığı ilə “Bizi minalardan xilas edin” (Free us from landmines) mövzusunda beynəlxalq gənclər konfransı keçirilir.

AZƏRTAC xəbər verir ki, konfransın əsas mövzusu işğaldan azad edilmiş ərazilərimizdə Ermənistan tərəfindən yerləşdirilmiş mina və digər partlamamış hərbi sursatlara dair xəritələrin bu günə qədər Azərbaycana təqdim edilməməsidir.

Dəyirmi masa formatında keçirilən konfransda ADA Universitetinin prorektoru Fariz İsmayılzadə, Gənclər Fondunun icraçı direktoru Fərid Cəfərov, Xarici İşlər Nazirliyinin, Azərbaycan Respublikasının Minatəmizləmə Agentliyinin və beynəlxalq təşkilatların nümayəndələri iştirak edirlər.