Türkiyənin “Beşiktaş” klubu heyətinə yeni futbolçu cəlb edib.

AZƏRTAC xəbər verir ki, İstanbul təmsilçisi “Kayserispor” komandasının yarımmüdafiəçisi Bernard Mensa ilə anlaşıb.

Klublar arasındakı razılığa əsasən, Qana millisinin sabiq üzvü 2020-2021-ci il mövsümünü icarə əsasında “ağ-qaralar”da keçirəcək. İyirmi altı yaşlı yarımmüdafiəçi bu müddətdə özünü yaxşı tərəfdən göstərə bilsə, birdəfəlik transfer ediləcək.

Qeyd edək ki, ötən ilin yayında “Atletiko Madrid”dən alınan B.Mensanın “Kayserispor”la müqavilə müddəti 2022-ci ilin yayınadəkdir.