Bakıda keçirilən akrobatika gimnastikası üzrə 28-ci dünya çempionatında qadın qrupların qarışıq hərəkətdə qalibləri müəyyənləşib.
×
Bakıda keçirilən akrobatika gimnastikası üzrə 28-ci dünya çempionatında qadın qrupların qarışıq hərəkətdə qalibləri müəyyənləşib.
AZƏRTAC xəbər verir ki, Belçika təmsilçiləri 29,820 xalla bütün rəqiblərini qabaqlayaraq fəxri kürsünün ən yüksək pilləsinə qalxıblar. Portuqaliya gimnastları 28,780 xalla çempionatı ikinci, ABŞ idmançıları (28,140) üçüncü pillədə başa vurublar.
Qeyd edək ki, Belçika gimnastları komanda hesabında da dünya çempionatının qızıl medala sahib olublar.
Çempionata 17 ölkədən 170 gimnast qatılıb.
Dörd gün davam edəcək yarışda idmançılar qadın, kişi və qarışıq cütlükləri, eləcə də qadın və kişi qrupları proqramlarında balans, temp və qarışıq hərəkətlər üzrə çıxış edəcəklər.
Xatırladaq ki, 2018-ci ildə Azərbaycan ilk dəfə akrobatika gimnastikası üzrə dünya kuboku turnirinə, bu il martın 3-dən 6-dək isə 12-ci dünya yaş qrupları yarışlarına ev sahibliyi edib.
