“Bakı-2015” birinci Avropa Oyunlarının qalibi rusiyalı Beslan Mudranov Olimpiya Oyunlarında ikinci dəfə qızıl medal qazanmağı qarşısına məqsəd qoyub.
×
“Bakı-2015” birinci Avropa Oyunlarının qalibi rusiyalı Beslan Mudranov Olimpiya Oyunlarında ikinci dəfə qızıl medal qazanmağı qarşısına məqsəd qoyub.
AZƏRTAC TASS informasiya agentliyinə istinadla xəbər verir ki, Rusiya təmsilçisi indi əsas vəzifəsinin “Tokio-2020”yə lisenziya qazanmaq olduğunu bildirib. O, qeyd edib ki, Rusiya komandasında güclü rəqabət var. İdmançı Tokio Olimpiadasına vəsiqə qazanacağına ümid etdiyini deyib.
B.Mudranov 2015-ci ildə Bakıda keçirilmiş birinci Avropa Oyunlarında cüdoçumuz Orxan Səfərovu (60 kq) finalda məğlub edərək qalib olub.
Rusiyalı cüdoçu “Rio-2016”da qızıl medal qazanıb. Avropa çempionatının ikiqat qalibi, dünya çempionatının gümüş mükafatçısıdır.
Tokio Olimpiadası 2020-ci il iyulun 24-dən avqustun 9-dək keçirilməli idi. Lakin, koronavirus pandemiyası səbəbindən yarış 2021-ci ilə təxirə salınıb.
