18 İyun – İnsan hüquqları günü münasibətilə Azərbaycan Respublikasının İnsan Hüquqları üzrə Müvəkkilinin (Ombudsman) təşəbbüsü ilə mayın 18–dən iyunun 18-dək elan olunmuş “İnsan hüquqları aylığı” çərçivəsində iyunun 10-da Ədliyyə Nazirliyi tərəfindən Ombudsman Aparatı ilə birgə “Ailə-nikah münasibətlərinin inkişafı: çağırışlar, islahatlar, perspektivlər” mövzusunda ictimai müzakirə keçirilir.

AZƏRTAC xəbər verir ki, tədbirdə Ədliyyə Nazirliyinin, Vəkillər Kollegiyasının, Mediasiya Şurasının rəhbər şəxsləri, hakimlər, qeydiyyat şöbələrinin rəisləri, nazirlik yanında İctimai Şuranın üzvləri, vətəndaş cəmiyyəti və media mənsubları iştirak edirlər.

İctimai müzakirədə Ombudsman Səbinə Əliyeva, Milli Məclisin Ailə, Qadın və Uşaq məsələləri Komitəsinin sədri Hicran Hüseynova, Ədliyyə Nazirliyi İnsan hüquqları və ictimaiyyətlə əlaqələr idarəsinin rəisi Aynur Sabitova açılış nitqi ilə çıxış edərək mövzu ilə bağlı fikirlərini bölüşürlər.

Sonra tədbir “İnsan hüquq və azadlıqlarının qorunmasında ailə seqmenti” və “Ailə münasibətlərinin inkişaf perspektivləri” adlı panel sessiyalarla davam edəcək.

Tədbirdə mövzu ətrafında müzakirələr aparılacaq.