Şuşaya gəldiyim üçün çox xoşbəxtəm. Burada olmaq mənim üçün bir şərəfdir. Şuşaya şəhid anaları ilə bir avtobusda gəldim və demək olar ki, hər bir şəhidin tarixçəsinə qulaq asmaq şansım oldu.
×
Şuşaya gəldiyim üçün çox xoşbəxtəm. Burada olmaq mənim üçün bir şərəfdir. Şuşaya şəhid anaları ilə bir avtobusda gəldim və demək olar ki, hər bir şəhidin tarixçəsinə qulaq asmaq şansım oldu.
Bu sözləri AZƏRTAC-ın Şuşa şəhərinə ezam olunmuş müxbirinə “Gənc Liderlər Təhsil-Təlim və İnkişaf” İctimai Birliyinin rəhbəri Səbinə Ələkbərova deyib.
“Şuşa gözlədiyim kimi çox gözəl şəhərdir. Cıdır düzü qeyri-adi bir yerdir. Bu yerləri, tarixi-mədəni məkanlarımızı mütləq tanıtmaq lazımdır. Qeyri-hökumət təşkilatları bu sahədə çox iş görə bilər. Təbii ki, burada ekoaqroturizmin inkişafı da vacibdir. Mədəni tədbirlər, xarici qonaqların dəvət edilməsi üçün xüsusi proqramlar işləmək lazımdır. Onlar mədəniyyətimizi bilməli, tariximizlə, Şuşa ilə daha yaxından tanış olmalıdırlar. Bir sözlə, bu işdə qeyri-hökumət təşkilatlarının üzərinə mühüm vəzifələr düşür. Çünki QHT-lərin əlaqə və imkanları çoxdur. Bunu edə biləcəyimizi düşünürəm”, - deyə o bildirib