Bu gün ölkəmizdə fəaliyyət göstərən siyasi partiyaların rəhbərləri ilə birlikdə Şuşadayıq. Bu, Azərbaycanda mövcud olan siyasi birliyin nümunəsidir.
×
Bu gün ölkəmizdə fəaliyyət göstərən siyasi partiyaların rəhbərləri ilə birlikdə Şuşadayıq. Bu, Azərbaycanda mövcud olan siyasi birliyin nümunəsidir. Həyatının böyük hissəsini bu bölgədə keçirən biri kimi deyə bilərəm ki, uzun həsrətdən sonra yenidən Şuşada olmaq mənim üçün qürurvericidir.
Bu sözləri Şuşada AZƏRTAC-a müsahibəsində Müasir Müsavat partiyasının sədri Hafiz Hacıyev deyib.
“Şuşanın işğaldan azad edilməsi Azərbaycan üçün tarixi hadisədir. Bu günümüzə görə Ali Baş Komandan, Prezident İlham Əliyevə minnətdaram. Dövlətimizin başçısı Azərbaycanda milli birlik yaratdı və bu birlik sayəsində 30 illik həsrətimizə son qoyuldu. Ali Baş Komandan 30 ilə yaxın erməni işğalçılarının tapdağı altında torpaqlarımızı xalqımıza qaytardı. Buna görə də dövlətimizin başçısına minnətdarıq. Bu illər ərzində biz heç vaxt ümidimizi itirmədik və məhz buna görə Qələbə qazanmağa nail olduq. Bu gün bizim Şuşaya səfər etməyimiz qürurvericidir. Bu gün Şuşada Cıdır düzündə olmaq, Natəvanın, Vaqifin, Üzeyir bəyin, Bülbülün abidələrini ziyarət etmək çox böyük xoşbəxtlikdir”, – deyə Hafiz Hacıyev qeyd edib.
Partiya sədri bildirib ki, Vətən müharibəsindən sonra Azərbaycan xalqının dövlətimizin başçısı ətrafında daha sıx birliyi yaranıb. Ermənilər və digər xarici qüvvələr çox çalışırlar ki, Azərbaycan xalqının milli birliyini pozsunlar. Amma onlar istəklərinə nail ola bilməyəcəklər.