2 Aprel - Dünya Autizm Məlumatlandırma Günüdür.

AZƏRTAC xəbər verir ki, bu münasibətlə aprelin 2-də Gənclər və İdman Nazirliyinin təşkilatçılığı, Cıdır Atçılıq Mərkəzinin və Autizm Mərkəzinin dəstəyi ilə autizm sindromlu uşaqlar üçün ippoterapiya keçirilib.

İppoterapiya - autizm sindromlu uşaqlarda müxtəlif disfunksional vəziyyət və psixi pozğunluqların atlarla terapevtik ünsiyyət vasitəsilə aradan qaldırılmasıdır.

Cıdır Atçılıq Mərkəzində baş tutan tədbirə Autizm Mərkəzində müalicə alan 16 uşaq cəlb edilib. Uşaqların burada həm asudə vaxtı səmərəli təşkil edilib, həm də onlar reabilitasiya olunublar.