İnnovasiya və Rəqəmsal İnkişaf Agentliyinin (İRİA) təşəbbüsü ilə Estoniyanın “Digital Nation” şirkəti ilə birgə əməkdaşlıq çərçivəsində “Rəqəmsal Transformasiya üzrə Rəhbər” adlı təlim proqramını həyata keçirir.

AZƏRTAC xəbər verir ki, dövlət qurumlarının rəhbər nümayəndələri üçün rəqəmsal tranformasiya üzrə təlim proqramı bu gün yekunlaşır. Dörd günlük sessiyalardan ibarət proqram rəqəmsal hökumət istiqamətində vörkşoplar, layihələr üzərində komanda işi, beynəlxalq təcrübənin öyrənilməsi və xarici ekspertlərlə əlaqə imkanlarını özündə birləşdirir. Proqramda dövlət orqanlarının (qurumlarının) 40-dan çox rəhbər nümayəndələri iştirak etdilər. Rəqəmsal hökumət sahəsində Avropanın qabaqcıl ekspertləri tərəfindən proqram iştirakçılarına rəqəmsal transformasiya sahəsində praktiki alətlər və effektiv metodlar öyrəndilər. Təlimlər nəticəsində rəhbər şəxslərdən ibarət qruplar rəqəmsal transformasiya sahəsində liderlik bacarıqları və bütün dövlət xidmətləri və rəqəmsal həllərinin tətbiqi üzrə geniş təsəvvür əldə ediblər. Hər bir dövlət orqanının (qurumun) nümayəndələri üçün məsul olduqları sahələrdə rəqəmsal transformasiya proseslərinə rəhbərlik etmək üçün fərdi inkişaf planları yaradılıb.

Proqramın yekununda proqram iştirakçılarına sertifikatlar təqdim olunacaq.

Qeyd edək ki, “Rəqəmsal Transformasiya üzrə Rəhbər” proqramının keçirilməsində əsas məqsəd dövlət sektorunda dayanıqlı rəqəmsal transformasiya üzrə təcrübəni inkişaf etdirmək və bu sahədə liderlər qrupunun formalaşdırılmasına təkan verməkdir.