Azərbaycan Respublikasının Prezidenti yanında Dövlət İdarəçilik Akademiyasında (DİA) Azərbaycan dilinə tərcümə edilmiş "Türk Cəza Qanunu" kitabının təqdimat mərasimi keçirilib.

AZƏRTAC xəbər verir ki, tədbirdə DİA-nın rektoru akademik Urxan Ələkbərov Azərbaycan Prezidenti İlham Əliyevin elmin, təhsilin inkişafına daim xüsusi önəm verdiyini vurğulayıb. U.Ələkbərov təqdim olunan kitabla bağlı fikirlərini bildirib, onun dəyərli bir nəşr olunduğunu deyib.

İstanbul Universiteti Hüquq fakültəsinin professoru Fethi Gedikli "Türk Cəza Qanununun Azərbaycan dilinə çevrilməsi hüquq cəmiyyəti arasında qarşılıqlı əlaqənin yaranmasının əsası kimi" mövzusunda məruzə edib.

Yunus Əmrə İnstitutunun rektoru Selçuk Karakılıç, DİA-nın professoru İsaxan Vəliyev Türk Cəza Qanunun Azərbaycan dilinə çevrilməsinin əhəmiyyətindən, türk cəza qanunlarından bəhs ediblər.