Bakı Dövlət Universitetində (BDU) Azərbaycanda Özbəkistan elm və mədəniyyət günləri çərçivəsində Özbəkistan nümayəndə heyətinin elmi ictimaiyyətlə görüşü keçirilib.
×
Bakı Dövlət Universitetində (BDU) Azərbaycanda Özbəkistan elm və mədəniyyət günləri çərçivəsində Özbəkistan nümayəndə heyətinin elmi ictimaiyyətlə görüşü keçirilib.
AZƏRTAC xəbər verir ki, tədbirdə çıxış edən BDU-nun rektoru Elçin Babayev Azərbaycan-Özbəkistan əlaqələrinin əhəmiyyətini vurğulayıb. Rektor BDU-nun fəaliyyəti, beynəlxalq əlaqələri, uğurlarından danışıb. Bildirilib ki, BDU 40-dan çox ölkənin 150-dən artıq universiteti ilə əməkdaşlıq edir. E.Babayev BDU ilə Özbəkistan universitetləri arasında əməkdaşlığın genişləndirilməsinin önəmini diqqətə çatdırıb.
Özbəkistanın Azərbaycandakı səfiri Bahrom Aşrafxanov iki ölkə arasında elm, təhsil, mədəniyyət əlaqələrinin uğurla inkişaf etdiyini bildirib.
AMEA-nın prezidenti akademik İsa Həbibbəyli Azərbaycan və Özbəkistanın tarixi birliyindən, ədəbi əlaqələrindən bəhs edib.