Dekabrın 21-də Bakı şəhəri 3 nömrəli Uşaq-Gənclər İnkişaf Mərkəzinin təşkilatçılığı ilə Rəşid Behbudov adına Dövlət Mahnı Teatrında 31 Dekabr - Dünya Azərbaycanlılarının Həmrəyliyi Gününə və Yeni il bayramına həsr olunmuş “Bir olaq, həmrəy olaq” adlı tədbir keçirilib.

AZƏRTAC xəbər verir ki, tədbir gənc nəslin milli və vətənpərvər ruhda tərbiyə edilməsi, milli-mənəvi dəyərlərimizin, ənənələrimizin qorunub saxlanılması, dünya azərbaycanlıları ilə əlaqələrin möhkəmləndirilməsi, xaricdə yaşayan soydaşlarımızla birlik və həmrəyliyimizin artırılması məqsədi daşıyır.

Tədbir çərçivəsində uşaqlar üçün konsert proqramı təşkil olunub. Mərkəzin dərnək üzvləri vətənpərvərlik mövzusunda bir-birindən maraqlı mahnılar, şer kompozisiyaları ilə çıxış edib və rəqs nümunələri təqdim ediblər. Bundan başqa, bədii kollektivlərin ifasında Yeni il mövzusuna həsr olunmuş əyləncəli, şən və bir-birindən gözəl çıxışlar tədbirə xüsusi rəng qatıb.

Tədbir həm qonaqlar, həm də uşaqlar üçün olduqca maraqlı və yaddaqalan olub.